ᐃᒡᓗᓕᐅᑉ ᒥᒃᓵᓄᑦ

ᐃᒡᓗᓕᒃ, ᓄᓇᕗᑦ, ᐆᒻᒪᕆᒃᑐᖅ ᐃᓄᖕᓄᑦ ᕼᐋᒻᓚᒋᔭᐅᔪᖅ ᐃᒡᓗᓕᒃ ᕿᑭᖅᑕᖓᓃᖦᖢᓂ ᓴᓂᕋᔭᐅᑉ ᑕᕆᐅᖓᓂ, ᐃᓗᐃᓪᓕᐅᑉ ᖃᓂᒋᔮᓂ. ᐃᒡᓗᓕᒃ ᑐᑭᖃᖅᐳᖅ “ᐃᒡᓗᑕᖃᕐᒪᑦ ᑕᒫᓂ,” ᐱᔾᔪᑎᖃᖅᖢᓂ ᖃᕐᒪᕕᓂᕐᓂᒃ ᑕᐅᕙᓂ ᐃᒡᓗᕕᒐᐅᙱᑦᑐᓂᒃ.

ᕿᑭᖅᑖᓗᖕᒧᑦ ᐃᓚᒋᔭᐅᒐᓗᐊᖅᑎᓪᓗᒍ ᓄᓇᕗᒻᒥ, ᓄᓇᓕᒃ ᐊᔾᔨᒌᙱᑦᑑᑎᓂᒃ ᐃᓕᖅᑯᓯᖃᖅᐳᑦ ᑕᒪᐃᓐᓂᒃ ᐱᖓᓱᓂᑦ ᐊᕕᒃᑐᖅᓯᒪᔪᓂᑦ, ᐃᓚᐅᓪᓗᑎᒃ ᕿᑎᕐᒥᐅᑦ ᐊᒻᒪ ᑭᕙᓪᓕᖅ.

4,000 ᐊᕐᕌᒍᐃᑦ ᐅᖓᑖᓄᑦ ᐱᐅᓯᕆᔭᐅᖃᑦᑕᖅᓯᒪᔪᖅ, ᓄᓇᓕᒃ ᐊᑯᓂᐊᓗᒃ ᐃᓕᖅᑯᓯᕐᒧᑦ ᑐᑦᑕᕐᕕᐅᖃᑦᑕᖅᓯᒪᕗᖅ ᐃᓄᖕᓄᑦ. ᐃᒡᓗᓕᒃ ᖃᐅᔨᒪᔭᐅᕗᖅ ᓴᓇᙳᐊᖅᐸᖕᓂᖏᓐᓄᑦ. ᐊᖏᕐᕋᕆᔭᐅᔪᖅ ᐋᖅᓯᕐᒧᑦ, ᐃᓄᐃᑦ ᖁᙱᐊᖅᑎᑐᐊᑦᑎᐊᑦ ᓄᓇᕐᔪᐊᓕᒫᒥ, ᐊᒻᒪ ᐊᕐᕌᒍᑕᒫᑦ Rockin’ Walrus Arts Festival-ᖑᓪᓗᓂ. ᓵᓚᖃᐅᓯᐊᖅᓯᒪᔪᖅ ᑕᕐᕆᔮᒃᓴᖅ “ᐊᑕᓈᕐᔪᐊᑦ — ᐅᓪᓚᒃᑐᖅ ᓱᑲᑦᑐᖅ” ᓴᓇᔭᐅᓚᐅᖅᑐᖅ ᐊᒻᒪᓗ ᐊᔾᔨᓕᐅᖅᑕᐅᓪᓗᓂ ᐅᕙᓂ.

ᓄᓇᓕᒃ ᐱᔨᑦᑎᖅᑕᐅᖃᑦᑕᖅᓯᒪᔪᖅ ᕿᓂᕐᒧᑦ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᒃ ᑕᐃᒪᙵᑦ 2005-ᒥ. ᕿᓂᖅ ᐋᖅᑭᒃᓯᒪᑦᑎᐊᖅᑐᖅ ᓴᕕᒐᐅᔭᖃᙱᑦᑐᒃᑯᑦ ᐱᔨᑦᑎᕋᐅᑎ ᐊᖏᕐᕋᕆᔭᐅᔪᓄᑦ ᓇᖕᒥᓂᕆᔭᐅᔪᓄᓪᓗ, ᐊᑦᑕᑕᕈᓐᓇᖅᑐᖅ ᓯᓚᑎᒧᑦ ᖃᖓᑦᑕᖅᑎᑕᐅᓯᒪᔪᒃᑯᑦ ᕿᒥᕐᓗᒃᑯᑦ. ᕿᓂᖅ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎ ᐋᖅᑭᒃᓯᒪᔪᖅ ᐊᐅᓚᑕᐅᓪᓗᓂᓗ SSI Micro−ᑯᓐᓄᑦ. 2017−ᒥ, ᐃᑭᐊᖅᑭᕕᒃᑰᕈᓐᓇᐅᑎ ᓄᑖᙳᕆᐊᖅᑕᐅᓚᐅᖅᐳᖅ 4G LTE ᐱᓕᕆᔾᔪᑎᓄᑦ, ᐊᒻᒪ 2G-GSM ᐅᖃᓘᑎᕋᓛᓄᑦ ᓂᐱᓕᐅᖅᓯᒪᔪᓄᑦ.

ᓄᓇᓕᒃ ᐅᑭᐅᖅᑕᖅᑑᑉ ᓂᒡᓚᓱᖕᓂᖓ ᓂᒡᓚᓱᒃᑐᐊᓘᖃᑦᑕᖅᐳᖅ, ᐅᑭᐅᒃᑯᑦ ᓂᒡᓚᓱᖕᓂᖓ ᐊᑦᑎᖕᓂᖅᓴᒦᖦᖢᓂ -50°C-ᒧᑦ ᐊᓄᕆ ᓂᒡᓚᓱᖕᓂᖓᓄᑦ, ᐊᐅᔭᒃᑯᑦ ᐃᑲᕐᕋᓄᑦ 24-ᓄᑦ ᖃᐅᒪᖃᑦᑕᖅᖢᓂ ᒪᐃᒥᑦ ᔪᓚᐃᒧᑦ.